Муаммоингизга мос саволни очинг. Ечим топилмаса, саҳифа охиридаги қўллаб-қувватлаш хизматига ёзинг — қайси маълумотларни юбориш кераклиги ҳам ўша ерда.
Matn tahriri ёрлиғи кўринмаяпти
Плагинни ўрнатдим, лекин Word, Excel ёки PowerPoint’да Matn tahriri ёрлиғи йўқ
Қуйидаги қадамларни ёрлиқ йўқ иловада тартиб билан бажаринг — ҳар биридан кейин иловани қайта очиб текширинг:
-
Иловани тўлиқ қайта ишга туширинг
Илованинг барча ойналарини ёпинг. Вазифалар диспетчерида (Ctrl+Shift+Esc) унинг жараёни қолмаганига ишонч ҳосил қилинг — Word учун
WINWORD.EXE, Excel учунEXCEL.EXE, PowerPoint учунPOWERPNT.EXE— сўнг иловани қайта очинг. -
Плагин шу иловада ёқилганини текширинг
File → Options → Add-ins (Файл → Параметры → Надстройки) ни очинг. Пастдаги Manage рўйхатида COM Add-ins ни танлаб, Go ни босинг ва иловага мос плагин белгиланганини текширинг: UzOffice Word Add-In, UzOffice Excel Add-In ёки UzOffice PowerPoint Add-In. Сўнг Disabled Items ни танланг: рўйхатда UzOffice бўлса, уни белгилаб Enable ни босинг.
-
UzOffice — plaginni tiklash ёрлиғини ишга туширинг
Word, Excel ва PowerPoint’ни ёпинг. Старт менюсида UzOffice Office Add-In (Word, Excel, PowerPoint) папкасидаги UzOffice — plaginni tiklash ёрлиғини очинг. У плагинни учала иловада қайта рўйхатдан ўтказади, иловалар уни қайта ўчириб қўймаслигини таъминлайди ва имзо сертификатларини қайта ўрнатади. Администратор ҳуқуқи керак эмас.
-
VSTO Runtime’ни текширинг
Тиклаш ойнасида
DIQQAT: VSTO Runtime hali ham o'rnatilmaganёзуви чиқса, кўрсатилганvstor_redist.exeфайлини администратор номидан ишга туширинг (сичқончанинг ўнг тугмаси → “Администратор номидан ишга тушириш”), сўнг компьютерни қайта ишга туширинг. -
Қайта ўрнатинг
Ёрдам бермаса, энг сўнгги ўрнатувчини юклаб олиб, Word, Excel ва PowerPoint ёпиқ ҳолда ишга туширинг. Эски версияни ўчириш шарт эмас.
Word’да ёрлиқ бор, Excel ёки PowerPoint’да йўқ
Excel ва PowerPoint плагинлари 2.3 версиядан бошлаб ўрнатувчига қўшилган. Эски ўрнатувчи фақат Word плагинини ўрнатган. Юклаб олиш саҳифасидан энг сўнгги UzOfficeAddInSetup.exe ни олиб, иловалар ёпиқ ҳолда ишга туширинг — у эски версия устидан ўрнатилади, лицензия сақланади. Янги версия ўрнатилган бўлса, юқоридаги қадамларни ўша иловада бажаринг.
Ўрнатиш охирида “рақамли имзо сертификатлари тўлиқ ўрнатилмади” деган хабар чиқди
Бу одатда корхона гуруҳ сиёсати (Group Policy) сертификат ўрнатишни тақиқлаганини билдиради. Бундай ҳолда Office плагинларни юклай олмайди. Тизим администраторига мурожаат қилинг ёки UzOffice — plaginni tiklash ёрлиғини администратор номидан ишга туширинг.
Фаоллаштириш муаммолари
Faollashtirish ни босганимда хато чиқди
Ҳар бир хабарнинг маъноси ва ечими Фаоллаштириш хатолари жадвалида. Энг кўп учрайдиганлари: калит тўлиқ нусхаланмаган (Invalid API key.), обуна тугаган (Key is expired.) ва интернет ёки прокси муаммоси (Internet mavjud emas yoki serverga ulanib boʻlmadi.).
Device limit reached for this API key. — янги компьютерда фаоллашмаяпти
Калитдаги барча компьютер жойлари банд. Қайси компьютерлар уланганини API калитлари саҳифасида Қурилмаларни кўрсатиш орқали кўринг. Кейин бошқа калитдан фойдаланинг, эски компьютерни узишни қўллаб-қувватлаш хизматидан сўранг ёки калитни алмаштиринг — батафсил: Қурилмалар сони.
Обунани узайтирдим, лекин плагин ҳали ҳам “муддати тугаган” деяпти
Калитнинг муддати у яратилган пайтда белгиланади ва обуна узайтирилганда ўзгармайди. API калитлари саҳифасида янги калит яратинг ва уни Word’даги Litsenziya ойнасида фаоллаштиринг. Батафсил: Муддат тугаши ва узайтириш.
Office плагинни ўчириб қўйди
Word, Excel ёки PowerPoint “плагин муаммо туғдирди” деб уни ўчирди ёки плагин Disabled Items рўйхатига тушди
Office иловалари ишга тушишда хато берган ёки секин юкланган плагинларни автоматик ўчиради. Бу ҳар бир иловада алоҳида бўлади: масалан, Word’да плагин ишлаб, Excel’да ўчирилган бўлиши мумкин. Қайта ёқиш учун ўша иловада:
-
Disabled Items рўйхатидан чиқаринг
File → Options → Add-ins, Manage: Disabled Items → Go, UzOffice’ни белгилаб Enable ни босинг. Сўнг Manage: COM Add-ins → Go да плагин белгиланганини текширинг.
-
Тиклаш ёрлиғини ишга туширинг
Иловаларни ёпиб, Старт менюсидаги UzOffice — plaginni tiklash ни очинг. У учала илова плагинни қайта ўчирмаслиги учун ҳимоя ҳам қўяди.
-
Иловани қайта очинг
Муаммо такрорланса, қўллаб-қувватлаш хизматига хато журналини юборинг.
Ўгириш ва форматлаш (Word)
Ўгириш натижаси ёқмади. Қандай қайтараман?
Ctrl+Z ни бир марта босинг — бутун ўгириш битта амал сифатида бекор қилинади.
Ҳужжатда ўгирилмаслиги керак бўлган қисмлар бор (инглизча номлар, код, ҳаволалар)
Лентадаги тугмалар бутун ҳужжатни ўгиради. Аралаш ҳужжатда фақат керакли қисмларни белгилаб, ўнг тугма менюси орқали ўгиринг.
Ўнг тугма менюсида ўгириш бандлари йўқ
Бандлар фақат матн белгиланганда чиқади. Фақат курсор турган бўлса ёки белгиланган қисмда ҳарф бўлмаса (рақам, расм), улар кўрсатилмайди. Ҳужжат таҳрирдан ҳимояланган бўлса (Review → Restrict Editing), бандлар ҳам чиқмайди — ҳимояни олиб ташланг.
Форматлаш ўзгариб қолдими?
Ўгириш матнни ҳарф-ҳарф алмаштиради ва форматлашга тегмайди. Агар барибир бирор жой ўзгарган бўлса, Ctrl+Z билан қайтаринг ва ҳужжатни (ёки унинг қисмини) бизга юборинг — бу хато ҳисобланади ва биз уни тузатамиз.
Имло текшируви
Хато сўзлар белгиланмаяпти
Yozish paytida ўчиқ бўлса, сўзлар автоматик текширилмайди — уни ёқинг ёки Xatolarni tekshirish тугмасини босинг. Лотин сўзлари учун имло алифбоси ҳужжатга мослигини ҳам текширинг.
Тўғри сўз хато деб чиқяпти
Уч сабабни текширинг: (1) апостроф нотўғри — Apostroflarni toʻgʻrilash ни босинг; (2) алифбо мос эмас — Imlo: lotin alifbosi менюсида ҳужжат алифбосини танланг; (3) сўз луғатда йўқ — ўнг тугма менюсидан луғатга қўшинг.
Қизил чизиқлар керак эмас ёки тозалангандан кейин ҳам қоляпти
Belgilarni tozalash тугмасини босинг. Кейин ёзган сўзларингиз Yozish paytida ёқилган бўлса яна текширилади — чизиқлар умуман керак бўлмаса, шу белгини олиб ташланг. Чизиқлар файлга ёзилмайди, шунинг учун ҳужжатни бошқа компьютерда очганда улар кўринмайди.
Катта ҳужжат секин очиляпти
Hujjat ochilganda белгисини олиб ташланг — шунда очилишда бутун матн текширилмайди. Керак бўлганда Xatolarni tekshirish ни қўлда босинг.
Word’нинг ўз имло текшируви (инглиз, рус тили) ишламай қолди
Икки хил қизил чизиқ аралашмаслиги учун плагин Word’нинг “ёзиш пайтида имло ва грамматикани текшириш” созламасини ўчиради. Плагинни ўчиргандан кейин уни қайта ёқиш учун: File → Options → Proofing (Файл → Параметры → Правописание) бўлимида Check spelling as you type ва Mark grammar errors as you type белгиларини қўйинг.
Excel
Ctrl+Z ўгиришни қайтармаяпти
Бу Excel’нинг қоидаси: плагин ва макрослар киритган ўзгаришлар унинг Ctrl+Z тарихига тушмайди. Лентадаги Bekor qilish тугмасини босинг — у охирги ўгириш ёки апостроф амалини тўлиқ қайтаради. Ўгиришдан кейин қўлда ўзгартирган катакларингизга тегилмайди. Батафсил: Excel’да бекор қилиш.
Bekor qilish тугмаси фаол эмас
Қайтариладиган амал йўқ: китоб ёпилиб-очилган (тарих тозаланади) ёки ўгириш жуда катта ҳажмда бўлган (200 000 дан ортиқ катак — бунда тарих сақланмаслиги ҳақида олдиндан огоҳлантириш чиқади). Катта китобларни ўгиришдан олдин нусхасини сақланг.
Айрим катаклар ёки объектлар ўгирилмади
Формулалар, сонлар ва саналар атайлаб ўзгартирилмайди. Ҳимояланган варақлар, диаграммалар, расмлар, SmartArt, йиғма жадваллар ва замонавий изоҳлар (threaded comments) ҳам ўгирилмайди. Қамровни ҳам текширинг — Belgilangan kataklar танланган бўлса, фақат белгиланган жой ўгирилади. Батафсил: Нималар ўзгармайди.
Варақ номлари ўгирилгач, макрос ёки формула ишламай қолди
Вараққа номи матн кўринишида мурожаат қиладиган макрослар ва INDIRECT формулалари янги номни топа олмайди. Bekor qilish билан қайтаринг ва Varaq nomlarini ham oʻgirish белгисини олиб ташлаб, қайта ўгиринг.
Ўнг тугма менюсида Matn tahriri йўқ
Катак таҳрирлаш режимида бўлса, Excel ўз менюсини кўрсатади — аввал Enter ёки Esc ни босинг. Лицензия фаоллигини ҳам текширинг.
Хато сўз ўрнига бутун катак рамкада белгиланяпти
Матн бурилган, “сиғдириш учун кичрайтириш” ёқилган, махсус текислаш ишлатилган ёки шрифтда ўзбекча ҳарфлар йўқ бўлса, сўзнинг аниқ ўрнини ҳисоблаб бўлмайди ва бутун катак белгиланади. Бу хато эмас. Тузатиш учун Birma-bir tuzatish дан фойдаланинг.
PowerPoint
PowerPoint’нинг ўз (инглизча) қизил чизиғи ҳали ҳам чиқяпти
Плагин PowerPoint’нинг “ёзиш пайтида имлони текшириш” созламасини ўчиради, лекин PowerPoint уни фақат ишга тушганда ўқийди. PowerPoint’ни тўлиқ ёпиб, қайта очинг — шундан кейин фақат O‘zOffice белгилари қолади. Бунинг учун лицензия фаол бўлиши керак.
PowerPoint’нинг ўз имло текшируви (инглиз, рус тили) керак
Плагин ўчирилгандан кейин уни қайта ёқиш учун File → Options → Proofing (Файл → Параметры → Правописание) бўлимида Check spelling as you type белгисини қўйинг. Плагин фаол экан, у ҳар ишга тушишда бу созламани яна ўчиради — икки хил чизиқ аралашмаслиги учун.
Айрим матнлар ўгирилмади
Диаграмма матни (у диаграмма маълумотлар жадвалида), расм ичидаги ёзув, ОЛЕ объектлар ҳамда намуна (master) ва макет слайдлари ўгирилмайди. Тақдимот “Якуний” деб белгиланган ёки ҳимояланган кўринишда очилган бўлса, аввал таҳрирлашга рухсат беринг. Izohlarni (Notes) ham белгиси олиб ташланган бўлса, маърузачи изоҳлари ўгирилмайди.
Ўгиришни қандай қайтараман?
Ctrl+Z ни бир марта босинг — бутун ўгириш битта қадамда қайтади.
Изоҳлардаги хатолар кўринмаяпти
Изоҳлар панелида белгилар чизилмайди, лекин хатолар саналади. Уларни Keyingi xato ёки Birma-bir tuzatish билан топинг.
Янгиланишлар
Янги версияни қандай ўрнатаман?
Yordam гуруҳидаги Yangilash … (ёки Yangilanishni tekshirish) тугмасини босинг. Янги версия бўлса, қуйидаги ойна очилади:
Батафсил: Плагинни янгилаш.
Yangilanishni tekshirib boʻlmadi деб чиқяпти
Сервер билан алоқа бўлмади. Интернетни текшириб, ойнадаги Qayta urinish тугмасини босинг. Корхона тармоғида uzoffice.uz прокси ёки хавфсизлик девори томонидан тўсилмаганини администратордан сўранг. Энг сўнгги версияни ҳар доим юклаб олиш саҳифасидан ҳам олишингиз мумкин.
Қайси версия ўрнатилганини қандай биламан?
Версия лентадаги гуруҳ номида (Yordam · v2.1.0), Litsenziya ойнасининг пастида (Plagin versiyasi) ва Qoʻllanma ойнасининг пастида кўрсатилади.
Қўллаб-қувватлаш хизматига мурожаат
Ёзинг — иш кунлари жавоб берамиз:
- Telegram
- @uzoffice_supportbot
- Э-почта
- info@uzoffice.uz
- Telegram канал
- @UzOfficeOfficial
- Бошқа усуллар
- Алоқа саҳифаси ёки Word, Excel, PowerPoint’даги Fikr bildirish тугмаси
Хабарга нималарни қўшиш керак
- Муаммо тавсифи ва хато хабарининг скриншоти (ҳолат сатридаги хабар ҳам).
- Муаммо қайси иловада (Word, Excel ёки PowerPoint), Windows версияси ва Office версияси (File → Account → About).
- Плагин версияси — Litsenziya ойнасининг пастида.
- Фаоллаштириш муаммосида — O‘zOffice ҳисобингиз э-почтаси (калитнинг ўзини юборманг).
- Хато журнали:
%LOCALAPPDATA%\UzOfficeWordAddInпапкасида — Word учунErrorLog.txt, Excel учунErrorLog.Excel.txt, PowerPoint учунErrorLog.PowerPoint.txt. Уни очиш учун Win+R ни босинг,%LOCALAPPDATA%\UzOfficeWordAddInни киритинг ва Enter ни босинг.
Диагностика
Мураккаб ҳолатларда қўллаб-қувватлаш хизмати сизга махсус диагностика воситасини юбориши мумкин. У компьютердаги плагин ҳолатини текширади ва Иш столига UzOffice-Diagnostika.txt ҳисоботини сақлайди — ўша файлни бизга қайтаринг. Администратор ҳуқуқи керак эмас, ҳужжатларингиз матни ҳисоботга кирмайди.