Word плагини: муаммоларни ҳал қилиш

Қуйидаги қадамларни тартиб билан бажаринг — ҳар биридан кейин Word’ни қайта очиб текширинг:

1. Word’ни тўлиқ қайта ишга туширинг

   Барча Word ойналарини ёпинг. Вазифалар диспетчерида (Ctrl+Shift+Esc) WINWORD.EXE қолмаганига ишонч ҳосил қилинг, сўнг Word’ни қайта очинг.

2. Плагин Word’да ёқилганини текширинг

   Word’да File → Options → Add-ins (Файл → Параметры → Надстройки) ни очинг. Пастдаги Manage рўйхатида COM Add-ins ни танлаб, Go ни босинг ва UzOffice Word Add-In белгиланганини текширинг. Сўнг Disabled Items ни танланг: рўйхатда UzOffice бўлса, уни белгилаб Enable ни босинг.

3. UzOffice — plaginni tiklash ёрлиғини ишга туширинг

   Word’ни ёпинг. Старт менюсида UzOffice Word Add-In папкасидаги UzOffice — plaginni tiklash ёрлиғини очинг. У плагинни Word’да қайта рўйхатдан ўтказади, Word уни қайта ўчириб қўймаслигини таъминлайди ва имзо сертификатларини қайта ўрнатади. Администратор ҳуқуқи керак эмас.

4. VSTO Runtime’ни текширинг

   Тиклаш ойнасида DIQQAT: VSTO Runtime hali ham o'rnatilmagan ёзуви чиқса, кўрсатилган vstor_redist.exe файлини администратор номидан ишга туширинг (сичқончанинг ўнг тугмаси → «Администратор номидан ишга тушириш»), сўнг компьютерни қайта ишга туширинг.

5. Қайта ўрнатинг

   Ёрдам бермаса, энг сўнгги ўрнатувчини юклаб олиб, Word ёпиқ ҳолда ишга туширинг. Эски версияни ўчириш шарт эмас.

Бу одатда корхона гуруҳ сиёсати (Group Policy) сертификат ўрнатишни тақиқлаганини билдиради. Бундай ҳолда Word плагинни юклай олмайди. Тизим администраторига мурожаат қилинг ёки UzOffice — plaginni tiklash ёрлиғини администратор номидан ишга туширинг.

Бу — лицензия фаол эмаслигининг белгиси. Litsenziya тугмасини босиб ҳолатни кўринг:

• ● Faollashtirilmagan — калит ҳали киритилмаган. Фаоллаштиринг.
• Tugash sanasi ўтиб кетган — обунани узайтиринг ва янги калит билан фаоллаштиринг.
• Фаоллаштириб, Word’ни қайта очмагансиз — Word’ни тўлиқ ёпиб, қайта очинг. Гуруҳлар фақат Word ишга тушганда юкланади.

Плагин ҳар сафар Word очилганда лицензияни текширади. Сервер калитни рад этса — калит сайтда ўчирилган, муддати тугаган, компьютер калитдан узилган ёки ҳисоб блокланган бўлса — плагин функциялари ўчади ва Word’нинг ҳолат сатрида сабаби ёзилади, масалан «❌ Litsenziya faol emas (Expired). Key is expired.». Хабардаги инглизча матннинг маъносини хатолар жадвалидан топинг.

Интернет йўқлиги сабабли плагин ўчмайди: бунда ҳолат сатрида фақат огоҳлантириш чиқади ва плагин ишлашда давом этади.

Ҳар бир хабарнинг маъноси ва ечими Фаоллаштириш хатолари жадвалида. Энг кўп учрайдиганлари: калит тўлиқ нусхаланмаган (Invalid API key.), обуна тугаган (Key is expired.) ва интернет ёки прокси муаммоси (Internet mavjud emas yoki serverga ulanib boʻlmadi.).

Калитдаги барча компьютер жойлари банд. Қайси компьютерлар уланганини API калитлари саҳифасида Қурилмаларни кўрсатиш орқали кўринг. Кейин бошқа калитдан фойдаланинг, эски компьютерни узишни қўллаб-қувватлаш хизматидан сўранг ёки калитни алмаштиринг — батафсил: Қурилмалар сони.

Калитнинг муддати у яратилган пайтда белгиланади ва обуна узайтирилганда ўзгармайди. API калитлари саҳифасида янги калит яратинг ва уни Word’даги Litsenziya ойнасида фаоллаштиринг. Батафсил: Муддат тугаши ва узайтириш.

Word ишга тушишда хато берган плагинларни автоматик ўчиради. Қайта ёқиш учун:

1. Disabled Items рўйхатидан чиқаринг

   File → Options → Add-ins, Manage: Disabled Items → Go, UzOffice’ни белгилаб Enable ни босинг.

2. Тиклаш ёрлиғини ишга туширинг

   Word’ни ёпиб, Старт менюсидаги UzOffice — plaginni tiklash ни очинг. У Word плагинни қайта ўчирмаслиги учун ҳимоя ҳам қўяди.

3. Word’ни қайта очинг

   Муаммо такрорланса, қўллаб-қувватлаш хизматига хато журналини юборинг.

Ctrl+Z ни бир марта босинг — бутун ўгириш битта амал сифатида бекор қилинади.

Лентадаги тугмалар бутун ҳужжатни ўгиради. Аралаш ҳужжатда фақат керакли қисмларни белгилаб, ўнг тугма менюси орқали ўгиринг.

Бандлар фақат матн белгиланганда чиқади. Фақат курсор турган бўлса ёки белгиланган қисмда ҳарф бўлмаса (рақам, расм), улар кўрсатилмайди. Ҳужжат таҳрирдан ҳимояланган бўлса (Review → Restrict Editing), бандлар ҳам чиқмайди — ҳимояни олиб ташланг.

Ўгириш матнни ҳарф-ҳарф алмаштиради ва форматлашга тегмайди. Агар барибир бирор жой ўзгарган бўлса, Ctrl+Z билан қайтаринг ва ҳужжатни (ёки унинг қисмини) бизга юборинг — бу хато ҳисобланади ва биз уни тузатамиз.

Yozish paytida ўчиқ бўлса, сўзлар автоматик текширилмайди — уни ёқинг ёки Xatolarni tekshirish тугмасини босинг. Лотин сўзлари учун имло алифбоси ҳужжатга мослигини ҳам текширинг.

Уч сабабни текширинг: (1) апостроф нотўғри — Apostroflarni toʻgʻrilash ни босинг; (2) алифбо мос эмас — Imlo: lotin alifbosi менюсида ҳужжат алифбосини танланг; (3) сўз луғатда йўқ — ўнг тугма менюсидан луғатга қўшинг.

Belgilarni tozalash тугмасини босинг. Кейин ёзган сўзларингиз Yozish paytida ёқилган бўлса яна текширилади — чизиқлар умуман керак бўлмаса, шу белгини олиб ташланг. Чизиқлар файлга ёзилмайди, шунинг учун ҳужжатни бошқа компьютерда очганда улар кўринмайди.

Hujjat ochilganda белгисини олиб ташланг — шунда очилишда бутун матн текширилмайди. Керак бўлганда Xatolarni tekshirish ни қўлда босинг.

Икки хил қизил чизиқ аралашмаслиги учун плагин Word’нинг «ёзиш пайтида имло ва грамматикани текшириш» созламасини ўчиради. Плагинни ўчиргандан кейин уни қайта ёқиш учун: File → Options → Proofing (Файл → Параметры → Правописание) бўлимида Check spelling as you type ва Mark grammar errors as you type белгиларини қўйинг.

Yordam гуруҳидаги Yangilash … (ёки Yangilanishni tekshirish) тугмасини босинг. Янги версия бўлса, қуйидаги ойна очилади:

Батафсил: Плагинни янгилаш.

Сервер билан алоқа бўлмади. Интернетни текшириб, ойнадаги Qayta urinish тугмасини босинг. Корхона тармоғида uzoffice.uz прокси ёки хавфсизлик девори томонидан тўсилмаганини администратордан сўранг. Энг сўнгги версияни ҳар доим юклаб олиш саҳифасидан ҳам олишингиз мумкин.

Версия лентадаги гуруҳ номида (Yordam · v2.1.0), Litsenziya ойнасининг пастида (Plagin versiyasi) ва Qoʻllanma ойнасининг пастида кўрсатилади.