O‘zbekcha matnni to‘g‘ridan-to‘g‘ri Office’da tekshiring va tahrir qiling: imlo va kontekst xatolari belgilanadi, to‘g‘ri variant taklif qilinadi, apostroflar tartibga keladi, kerak bo‘lsa matn lotin↔kirill yoki yangi 2026 alifbosiga o‘giriladi. Bitta o‘rnatuvchi uchala dasturga “Matn tahriri” yorlig‘ini qo‘shadi, bitta litsenziya esa hammasida ishlaydi.
Raqamli imzolangan o‘rnatuvchi
Plaginlar Windows kompyuteri uchun. Havolani o‘zingizga yuboring — kompyuterda ikki daqiqada o‘rnatasiz.
Har bir dasturning o‘z xususiyatlari hisobga olingan — lekin o‘rnatuvchi, litsenziya va lug‘at hammasi uchun bitta.
O‘zbekcha imlo va kontekst xatolarini Word’ning o‘zida topadi va tuzatadi, hujjatni esa formatlashi bilan o‘giradi.
Kataklardagi o‘zbekcha imlo xatolarini topadi va birma-bir tuzatadi; matnni o‘giradi — formula, son va sanalarga tegmaydi.
Slaydlar va ma’ruzachi izohlaridagi o‘zbekcha imlo xatolarini topadi va tuzatadi; matnni dizayn va havolalarni saqlagan holda o‘giradi.
Word, Excel va PowerPoint uchun alohida narsa yuklab olish, alohida kalit sotib olish yoki har birini alohida faollashtirish shart emas.
UzOfficeWordAddInSetup.exe uchala plaginni birga o‘rnatadi. Yangilanish ham bitta.
Kalitni Word, Excel yoki PowerPoint’dan birida kiriting — qolgan ikkitasida ham faol bo‘ladi. Bitta kompyuter bitta qurilma hisoblanadi.
Shaxsiy lug‘atga qo‘shilgan so‘z va imlo alifbosi tanlovi (joriy, yangi yoki ikkalasi) uchala dasturda bir xil.
Asosiy tugmalar va qoidalar Word, Excel va PowerPoint’da bir xil — bir dasturda o‘rgansangiz, qolganlarida ham bilasiz. Excel va PowerPoint’da xatolarni ketma-ket ko‘rib chiqish uchun qo‘shimcha tugmalar ham bor.
Lug‘atda yo‘q so‘zlar va gapda noto‘g‘ri ishlatilgan so‘zlar ekranda rangli to‘lqin chiziq bilan belgilanadi, nechta xato topilgani holat satrida ko‘rinadi. Faylga hech narsa yozilmaydi: saqlash, chop etish va PDF o‘zgarmaydi.
Xato so‘z ustida o‘ng tugmani bosing — to‘g‘ri variantlar, lug‘atga qo‘shish yoki e’tiborsiz qoldirish. Excel va PowerPoint’da “Keyingi xato” va “Birma-bir tuzatish” bilan hammasini ketma-ket ko‘rib chiqasiz.
Imlo yozish paytida yoki fayl ochilishi bilan avtomatik tekshirilishi mumkin. Excel va PowerPoint’da belgi rangini — qizil yoki sariq — o‘zingiz tanlaysiz.
O‘ va g‘ dagi belgi hamda tutuq belgisi aralashib ketgan bo‘lsa (' ‘ ’ `), bitta tugma bilan to‘g‘ri belgiga keltiradi: Word’da butun hujjatda, Excel va PowerPoint’da tanlangan qamrovda.
Lotin→kirill, kirill→lotin: belgilangan qism yoki butun hujjat, kitob, taqdimot. Shrift, rang va formatlash joyida qoladi.
Matnni 2026-yilgi yangi lotin yozuviga o‘tkazadi — manba kirill yoki joriy lotin bo‘lishi mumkin. Imlo tekshiruvi ham yangi alifboga o‘zi o‘tadi.
Bitta o‘rnatuvchi Word, Excel va PowerPoint’ga birdaniga o‘rnatadi.
Word, Excel va PowerPoint yopiq holda o‘rnatuvchini ishga tushiring — uchala plagin birga o‘rnatiladi.
O‘rnatish bo‘yicha qo‘llanmaWord, Excel yoki PowerPoint lentasida “Matn tahriri” yorlig‘i paydo bo‘ladi.
“Litsenziya” tugmasini bosing va hisobingizdagi API kalitini qo‘ying — bitta dasturda faollashtirish kifoya.
Kalitni qayerdan olaman?Mac, telefon, planshet va brauzerdagi Office Online’da ishlamaydi.
Yuklab olish va o‘rnatish bepul. Office’da ishlatish uchun faol obuna kerak — API kaliti shu obunadan olinadi va uchala plaginga yetadi.
Windows 10 va 11 dagi Microsoft Office 2016, 2019, 2021 hamda Microsoft 365 — kompyuterga o‘rnatiladigan Word, Excel va PowerPoint. 32 va 64 bitli Office ham qo‘llab-quvvatlanadi.
Yo‘q. Bitta kalit uchala plaginga yetadi: litsenziyani Word, Excel yoki PowerPoint’dan birida faollashtirsangiz, qolgan ikkitasida ham faol bo‘ladi. Bitta kompyuterdagi uchala dastur bitta qurilma hisoblanadi.
Yo‘q, plaginlar faqat Windows’dagi Office uchun: Mac, telefon, planshet va brauzerdagi Office Online’da ishlamaydi. U yerda O‘zOffice’ning veb-versiyasidan foydalaning — u brauzerda ochiladi va o‘sha o‘girish hamda imlo imkoniyatlarini beradi.
Yuklab olish va o‘rnatish bepul. Office ichida ishlatish uchun O‘zOffice hisobi va faol obuna kerak — API kaliti shu obuna doirasida beriladi. Ro‘yxatdan o‘tganda 7 kunlik sinov muddati beriladi.
Yo‘q. Matn harf-harf, o‘z joyida almashtiriladi: shrift, rang, jadval, ro‘yxat va havolalar saqlanadi. Excel’da formula, son va sanalarga umuman tegilmaydi.
Tarifga bog‘liq: har bir kalit uchun ruxsat etilgan kompyuterlar soni belgilangan (7 kunlik sinovda — 1 kalit, 1 kompyuter). Bitta kompyuterdagi Word, Excel va PowerPoint bitta qurilma hisoblanadi. Plaginlarni yangi kompyuterga ko‘chirish uchun yordam xizmatiga yozing — eski qurilmani bo‘shatib beramiz — yoki “API kalitlari” sahifasida kalitni o‘chirib, yangisini yarating.
Yo‘q. Kalit faollashtirilgach, o‘girish va imlo tekshiruvi kompyuterning o‘zida bajariladi. Plaginlar faqat vaqti-vaqti bilan litsenziyani tekshiradi va yangilanishni so‘raydi.
