Boshlashdan oldin
- Kompyuter
- Windows 10 (1809 versiyasidan boshlab) yoki Windows 11
- Word
- Word 2016, 2019, 2021 yoki Microsoft 365, kompyuterga o‘rnatilgan versiya
- Administrator huquqi
- Odatda shart emas — plagin faqat sizning Windows foydalanuvchingiz uchun o‘rnatiladi
- Fayl
UzOfficeWordAddInSetup.exe. U kerakli Microsoft komponentlarini ham o‘z ichiga olgani uchun hajmi kattaroq (100 MB dan ortiq)
Plaginni o‘rnatish bepul. Lekin undagi tugmalar faollashtirilgan litsenziya bilan ishlaydi — buning uchun O‘zOffice hisobi va faol obuna kerak. Kalitni oldindan tayyorlab qo‘yishingiz mumkin: API kaliti yaratish.
Yuklab olish
-
Yuklab olish sahifasini oching
uzoffice.uz/solutions/office-add-ins/download sahifasiga o‘ting. Plagin haqida umumiy ma’lumot Word plagini sahifasida.
-
Faylni yuklab oling
Windows tugmasini bosing. Sahifada joriy versiya va fayl hajmi ham ko‘rsatiladi. Fayl brauzeringizning «Yuklanmalar» papkasiga tushadi.
Sahifani telefonda ochgan bo‘lsangiz, havolani nusxalab, kompyuterga yuboring — plagin faqat Windows kompyuterga o‘rnatiladi.
O‘rnatish
-
Word’ni yoping
Barcha Word oynalarini saqlab, yoping. Word ochiq qolsa, o‘rnatuvchi Microsoft Word ochiq deb ogohlantiradi va uchta tugma taklif qiladi: Yes (Да) — Word’ni o‘zingiz yopdingiz, davom etish; No (Нет) — Word’ni majburan yopish (saqlanmagan hujjatlar yo‘qoladi!); Cancel (Отмена) — o‘rnatishni to‘xtatish. Eng xavfsizi — Word’ni o‘zingiz yopib, Yes ni bosish.
-
O‘rnatuvchini ishga tushiring
Yuklab olingan
UzOfficeWordAddInSetup.exefaylini ikki marta bosing. Windows «Bu ilova qurilmangizga o‘zgartirish kiritishiga ruxsat berasizmi?» yoki SmartScreen oynasini ko‘rsatsa, faylni rasmiy saytdan olganingizga ishonch hosil qilib, davom eting. -
Ko‘rsatmalarga amal qiling
O‘rnatuvchi oynasida Next va Install tugmalarini bosing. O‘rnatish papkasini o‘zgartirmang. Har kirishda plagin holatini avtomatik tiklash belgisini odatda qo‘yish shart emas — u faqat qat’iy korporativ sozlamali kompyuterlar uchun.
-
Kerak bo‘lsa, komponentlar o‘rnatilishini kuting
Kompyuterda .NET Framework 4.8 yoki VSTO Runtime bo‘lmasa, o‘rnatuvchi ularni o‘zi o‘rnatadi — bu bir necha daqiqa olishi mumkin. VSTO Runtime butun kompyuter uchun o‘rnatiladi, shuning uchun Windows administrator ruxsatini so‘rashi mumkin: Yes (Да) ni bosing.
-
O‘rnatishni yakunlang
Finish ni bosing. Endi Word’ni ochishingiz mumkin.
O'rnatish tugadi, lekin plagin ISHLAMAYDI xabari chiqdimi?
Demak, VSTO Runtime o‘rnatilmadi — odatda administrator huquqi bo‘lmagani yoki ruxsat so‘ralganda rad javobi berilgani uchun. Xabardagi ko‘rsatmaga amal qiling: %LOCALAPPDATA%\Programs\UzOfficeWordAddIn\prereq\vstor_redist.exe faylini administrator nomidan ishga tushiring (yoki tizim administratoriga murojaat qiling), so‘ng kompyuterni qayta ishga tushiring.
Kompyuterga nima o‘rnatiladi
| Nima | Qayerga |
|---|---|
| Plagin fayllari (imlo lug‘ati ham shu yerda, shifrlangan holda) | %LOCALAPPDATA%\Programs\UzOfficeWordAddIn |
| Word’da ro‘yxatdan o‘tish — Word plaginni har ochilganda yuklaydi | Joriy Windows foydalanuvchisi sozlamalari |
| O‘zOffice raqamli imzo sertifikatlari — Word plaginni ishonchli deb bilishi uchun | Joriy foydalanuvchining sertifikatlar ombori |
| .NET Framework 4.8 va VSTO Runtime — faqat yetishmasa | Butun kompyuter uchun |
| Start menyusidagi yorliqlar: UzOffice — plaginni tiklash va UzOffice Word Add-In — o'chirish | Start menyusi → UzOffice Word Add-In |
Plagin faqat uni o‘rnatgan Windows foydalanuvchisi uchun ishlaydi. Kompyuterdan boshqa foydalanuvchi ham foydalansa, u o‘z hisobida plaginni alohida o‘rnatishi kerak.
Birinchi ishga tushirish
-
Word’ni oching
Lentada yangi Matn tahriri yorlig‘i paydo bo‘ladi.
-
Litsenziyani faollashtiring
Faollashtirishdan oldin yorliqda faqat Yordam va Litsenziya guruhlari ko‘rinadi — bu normal holat.
Litsenziya tugmasini bosing va kalitni kiriting. Batafsil: Litsenziyani faollashtirish. -
Word’ni qayta oching
Faollashtirilgach, Word’ni yopib, qayta oching — barcha guruhlar paydo bo‘ladi.
Faollashtirilgandan keyin Matn tahriri yorlig‘i to‘liq ko‘rinadi.
Matn tahriri yorlig‘i umuman chiqmadimi? Muammolarni hal qilish bo‘limiga qarang.
Plaginni yangilash
Plagin yangi versiya chiqqanini o‘zi tekshiradi: Word ochilgandan taxminan 2,5 daqiqa o‘tib, kuniga ko‘pi bilan bir marta. Yangi versiya topilsa, Word’ning pastki holat satrida xabar chiqadi va Yordam guruhidagi tugma Yangilash 2.2.0 kabi ko‘rinishga o‘tadi. Istalgan vaqtda 
Yangilanishni tekshirish tugmasi bilan qo‘lda ham tekshirishingiz mumkin.
-
Tugmani bosing
Yangilash … tugmasini bosing. UzOffice — versiya va yangilanish oynasida yangi versiyadagi o‘zgarishlar ro‘yxati ko‘rsatiladi.
Yangilanish oynasi: ① Yuklab olish tugmasi o‘rnatuvchi faylni brauzerda ochadi. -
Yangi o‘rnatuvchini yuklab oling
Yuklab olish ni bosing — havola brauzerda ochiladi. Plagin faylni o‘zi yuklamaydi va o‘zi ishga tushirmaydi. Keyinroq tugmasi oynani yopadi.
-
Eski versiya ustidan o‘rnating
Word’ni yoping va yangi faylni ishga tushiring. Eski versiyani oldin o‘chirish shart emas. Litsenziya, sozlamalar va shaxsiy lug‘atingiz saqlanib qoladi.
Imlo lug‘ati alohida yangilanadi: litsenziya faol bo‘lsa, plagin yangi lug‘atni fonda o‘zi yuklab oladi. Buning uchun hech narsa qilish shart emas.
Plaginni o‘chirish
Avval Word’ni yoping. Keyin quyidagi usullardan birini tanlang:
- Start menyusi orqali: UzOffice Word Add-In papkasidagi UzOffice Word Add-In — o'chirish yorlig‘ini bosing.
- Windows sozlamalari orqali: Settings → Apps → Installed apps (rus tilidagi Windows’da Параметры → Приложения → Установленные приложения), ro‘yxatdan UzOffice Word Add-In ni toping va Uninstall (Удалить) ni bosing.
O‘chirilganda plagin fayllari va yuklab olingan lug‘at olib tashlanadi. Shaxsiy lug‘atingizga qo‘shgan so‘zlaringiz (%APPDATA%\UzOfficeAddIn\dictionaries) hamda litsenziya ma’lumotlari o‘chirilmaydi — plaginni qayta o‘rnatsangiz, ular yana ishlaydi.
Qurilma kalitda band bo‘lib qoladi
Plaginni o‘chirish kompyuterni API kalitidan uzmaydi: u kalitdagi qurilmalar ro‘yxatida qolaveradi. Shu kompyuterga qayta o‘rnatsangiz, yangi joy talab qilinmaydi. Kalitni boshqa kompyuterga o‘tkazmoqchi bo‘lsangiz, qurilmalar bo‘limini o‘qing.