Muammoingizga mos savolni oching. Yechim topilmasa, sahifa oxiridagi qo‘llab-quvvatlash xizmatiga yozing — qaysi ma’lumotlarni yuborish kerakligi ham o‘sha yerda.
Matn tahriri yorlig‘i ko‘rinmayapti
Plaginni o‘rnatdim, lekin Word, Excel yoki PowerPoint’da Matn tahriri yorlig‘i yo‘q
Quyidagi qadamlarni yorliq yo‘q ilovada tartib bilan bajaring — har biridan keyin ilovani qayta ochib tekshiring:
-
Ilovani to‘liq qayta ishga tushiring
Ilovaning barcha oynalarini yoping. Vazifalar dispetcherida (Ctrl+Shift+Esc) uning jarayoni qolmaganiga ishonch hosil qiling — Word uchun
WINWORD.EXE, Excel uchunEXCEL.EXE, PowerPoint uchunPOWERPNT.EXE— so‘ng ilovani qayta oching. -
Plagin shu ilovada yoqilganini tekshiring
File → Options → Add-ins (Файл → Параметры → Надстройки) ni oching. Pastdagi Manage ro‘yxatida COM Add-ins ni tanlab, Go ni bosing va ilovaga mos plagin belgilanganini tekshiring: UzOffice Word Add-In, UzOffice Excel Add-In yoki UzOffice PowerPoint Add-In. So‘ng Disabled Items ni tanlang: ro‘yxatda UzOffice bo‘lsa, uni belgilab Enable ni bosing.
-
UzOffice — plaginni tiklash yorlig‘ini ishga tushiring
Word, Excel va PowerPoint’ni yoping. Start menyusida UzOffice Office Add-In (Word, Excel, PowerPoint) papkasidagi UzOffice — plaginni tiklash yorlig‘ini oching. U plaginni uchala ilovada qayta ro‘yxatdan o‘tkazadi, ilovalar uni qayta o‘chirib qo‘ymasligini ta’minlaydi va imzo sertifikatlarini qayta o‘rnatadi. Administrator huquqi kerak emas.
-
VSTO Runtime’ni tekshiring
Tiklash oynasida
DIQQAT: VSTO Runtime hali ham o'rnatilmaganyozuvi chiqsa, ko‘rsatilganvstor_redist.exefaylini administrator nomidan ishga tushiring (sichqonchaning o‘ng tugmasi → “Administrator nomidan ishga tushirish”), so‘ng kompyuterni qayta ishga tushiring. -
Qayta o‘rnating
Yordam bermasa, eng so‘nggi o‘rnatuvchini yuklab olib, Word, Excel va PowerPoint yopiq holda ishga tushiring. Eski versiyani o‘chirish shart emas.
Word’da yorliq bor, Excel yoki PowerPoint’da yo‘q
Excel va PowerPoint plaginlari 2.3 versiyadan boshlab o‘rnatuvchiga qo‘shilgan. Eski o‘rnatuvchi faqat Word plaginini o‘rnatgan. Yuklab olish sahifasidan eng so‘nggi UzOfficeAddInSetup.exe ni olib, ilovalar yopiq holda ishga tushiring — u eski versiya ustidan o‘rnatiladi, litsenziya saqlanadi. Yangi versiya o‘rnatilgan bo‘lsa, yuqoridagi qadamlarni o‘sha ilovada bajaring.
O‘rnatish oxirida “raqamli imzo sertifikatlari to‘liq o‘rnatilmadi” degan xabar chiqdi
Bu odatda korxona guruh siyosati (Group Policy) sertifikat o‘rnatishni taqiqlaganini bildiradi. Bunday holda Office plaginlarni yuklay olmaydi. Tizim administratoriga murojaat qiling yoki UzOffice — plaginni tiklash yorlig‘ini administrator nomidan ishga tushiring.
Faollashtirish muammolari
Faollashtirish ni bosganimda xato chiqdi
Har bir xabarning ma’nosi va yechimi Faollashtirish xatolari jadvalida. Eng ko‘p uchraydiganlari: kalit to‘liq nusxalanmagan (Invalid API key.), obuna tugagan (Key is expired.) va internet yoki proksi muammosi (Internet mavjud emas yoki serverga ulanib boʻlmadi.).
Device limit reached for this API key. — yangi kompyuterda faollashmayapti
Kalitdagi barcha kompyuter joylari band. Qaysi kompyuterlar ulanganini API kalitlari sahifasida Qurilmalarni ko‘rsatish orqali ko‘ring. Keyin boshqa kalitdan foydalaning, eski kompyuterni uzishni qo‘llab-quvvatlash xizmatidan so‘rang yoki kalitni almashtiring — batafsil: Qurilmalar soni.
Obunani uzaytirdim, lekin plagin hali ham “muddati tugagan” deyapti
Kalitning muddati u yaratilgan paytda belgilanadi va obuna uzaytirilganda o‘zgarmaydi. API kalitlari sahifasida yangi kalit yarating va uni Word’dagi Litsenziya oynasida faollashtiring. Batafsil: Muddat tugashi va uzaytirish.
Office plaginni o‘chirib qo‘ydi
Word, Excel yoki PowerPoint “plagin muammo tug‘dirdi” deb uni o‘chirdi yoki plagin Disabled Items ro‘yxatiga tushdi
Office ilovalari ishga tushishda xato bergan yoki sekin yuklangan plaginlarni avtomatik o‘chiradi. Bu har bir ilovada alohida bo‘ladi: masalan, Word’da plagin ishlab, Excel’da o‘chirilgan bo‘lishi mumkin. Qayta yoqish uchun o‘sha ilovada:
-
Disabled Items ro‘yxatidan chiqaring
File → Options → Add-ins, Manage: Disabled Items → Go, UzOffice’ni belgilab Enable ni bosing. So‘ng Manage: COM Add-ins → Go da plagin belgilanganini tekshiring.
-
Tiklash yorlig‘ini ishga tushiring
Ilovalarni yopib, Start menyusidagi UzOffice — plaginni tiklash ni oching. U uchala ilova plaginni qayta o‘chirmasligi uchun himoya ham qo‘yadi.
-
Ilovani qayta oching
Muammo takrorlansa, qo‘llab-quvvatlash xizmatiga xato jurnalini yuboring.
O‘girish va formatlash (Word)
O‘girish natijasi yoqmadi. Qanday qaytaraman?
Ctrl+Z ni bir marta bosing — butun o‘girish bitta amal sifatida bekor qilinadi.
Hujjatda o‘girilmasligi kerak bo‘lgan qismlar bor (inglizcha nomlar, kod, havolalar)
Lentadagi tugmalar butun hujjatni o‘giradi. Aralash hujjatda faqat kerakli qismlarni belgilab, o‘ng tugma menyusi orqali o‘giring.
O‘ng tugma menyusida o‘girish bandlari yo‘q
Bandlar faqat matn belgilanganda chiqadi. Faqat kursor turgan bo‘lsa yoki belgilangan qismda harf bo‘lmasa (raqam, rasm), ular ko‘rsatilmaydi. Hujjat tahrirdan himoyalangan bo‘lsa (Review → Restrict Editing), bandlar ham chiqmaydi — himoyani olib tashlang.
Formatlash o‘zgarib qoldimi?
O‘girish matnni harf-harf almashtiradi va formatlashga tegmaydi. Agar baribir biror joy o‘zgargan bo‘lsa, Ctrl+Z bilan qaytaring va hujjatni (yoki uning qismini) bizga yuboring — bu xato hisoblanadi va biz uni tuzatamiz.
Imlo tekshiruvi
Xato so‘zlar belgilanmayapti
Yozish paytida o‘chiq bo‘lsa, so‘zlar avtomatik tekshirilmaydi — uni yoqing yoki Xatolarni tekshirish tugmasini bosing. Lotin so‘zlari uchun imlo alifbosi hujjatga mosligini ham tekshiring.
To‘g‘ri so‘z xato deb chiqyapti
Uch sababni tekshiring: (1) apostrof noto‘g‘ri — Apostroflarni toʻgʻrilash ni bosing; (2) alifbo mos emas — Imlo: lotin alifbosi menyusida hujjat alifbosini tanlang; (3) so‘z lug‘atda yo‘q — o‘ng tugma menyusidan lug‘atga qo‘shing.
Qizil chiziqlar kerak emas yoki tozalangandan keyin ham qolyapti
Belgilarni tozalash tugmasini bosing. Keyin yozgan so‘zlaringiz Yozish paytida yoqilgan bo‘lsa yana tekshiriladi — chiziqlar umuman kerak bo‘lmasa, shu belgini olib tashlang. Chiziqlar faylga yozilmaydi, shuning uchun hujjatni boshqa kompyuterda ochganda ular ko‘rinmaydi.
Katta hujjat sekin ochilyapti
Hujjat ochilganda belgisini olib tashlang — shunda ochilishda butun matn tekshirilmaydi. Kerak bo‘lganda Xatolarni tekshirish ni qo‘lda bosing.
Word’ning o‘z imlo tekshiruvi (ingliz, rus tili) ishlamay qoldi
Ikki xil qizil chiziq aralashmasligi uchun plagin Word’ning “yozish paytida imlo va grammatikani tekshirish” sozlamasini o‘chiradi. Plaginni o‘chirgandan keyin uni qayta yoqish uchun: File → Options → Proofing (Файл → Параметры → Правописание) bo‘limida Check spelling as you type va Mark grammar errors as you type belgilarini qo‘ying.
Excel
Ctrl+Z o‘girishni qaytarmayapti
Bu Excel’ning qoidasi: plagin va makroslar kiritgan o‘zgarishlar uning Ctrl+Z tarixiga tushmaydi. Lentadagi Bekor qilish tugmasini bosing — u oxirgi o‘girish yoki apostrof amalini to‘liq qaytaradi. O‘girishdan keyin qo‘lda o‘zgartirgan kataklaringizga tegilmaydi. Batafsil: Excel’da bekor qilish.
Bekor qilish tugmasi faol emas
Qaytariladigan amal yo‘q: kitob yopilib-ochilgan (tarix tozalanadi) yoki o‘girish juda katta hajmda bo‘lgan (200 000 dan ortiq katak — bunda tarix saqlanmasligi haqida oldindan ogohlantirish chiqadi). Katta kitoblarni o‘girishdan oldin nusxasini saqlang.
Ayrim kataklar yoki obyektlar o‘girilmadi
Formulalar, sonlar va sanalar ataylab o‘zgartirilmaydi. Himoyalangan varaqlar, diagrammalar, rasmlar, SmartArt, yig‘ma jadvallar va zamonaviy izohlar (threaded comments) ham o‘girilmaydi. Qamrovni ham tekshiring — Belgilangan kataklar tanlangan bo‘lsa, faqat belgilangan joy o‘giriladi. Batafsil: Nimalar o‘zgarmaydi.
Varaq nomlari o‘girilgach, makros yoki formula ishlamay qoldi
Varaqqa nomi matn ko‘rinishida murojaat qiladigan makroslar va INDIRECT formulalari yangi nomni topa olmaydi. Bekor qilish bilan qaytaring va Varaq nomlarini ham oʻgirish belgisini olib tashlab, qayta o‘giring.
O‘ng tugma menyusida Matn tahriri yo‘q
Katak tahrirlash rejimida bo‘lsa, Excel o‘z menyusini ko‘rsatadi — avval Enter yoki Esc ni bosing. Litsenziya faolligini ham tekshiring.
Xato so‘z o‘rniga butun katak ramkada belgilanyapti
Matn burilgan, “sig‘dirish uchun kichraytirish” yoqilgan, maxsus tekislash ishlatilgan yoki shriftda o‘zbekcha harflar yo‘q bo‘lsa, so‘zning aniq o‘rnini hisoblab bo‘lmaydi va butun katak belgilanadi. Bu xato emas. Tuzatish uchun Birma-bir tuzatish dan foydalaning.
PowerPoint
PowerPoint’ning o‘z (inglizcha) qizil chizig‘i hali ham chiqyapti
Plagin PowerPoint’ning “yozish paytida imloni tekshirish” sozlamasini o‘chiradi, lekin PowerPoint uni faqat ishga tushganda o‘qiydi. PowerPoint’ni to‘liq yopib, qayta oching — shundan keyin faqat O‘zOffice belgilari qoladi. Buning uchun litsenziya faol bo‘lishi kerak.
PowerPoint’ning o‘z imlo tekshiruvi (ingliz, rus tili) kerak
Plagin o‘chirilgandan keyin uni qayta yoqish uchun File → Options → Proofing (Файл → Параметры → Правописание) bo‘limida Check spelling as you type belgisini qo‘ying. Plagin faol ekan, u har ishga tushishda bu sozlamani yana o‘chiradi — ikki xil chiziq aralashmasligi uchun.
Ayrim matnlar o‘girilmadi
Diagramma matni (u diagramma ma’lumotlar jadvalida), rasm ichidagi yozuv, OLE obyektlar hamda namuna (master) va maket slaydlari o‘girilmaydi. Taqdimot “Yakuniy” deb belgilangan yoki himoyalangan ko‘rinishda ochilgan bo‘lsa, avval tahrirlashga ruxsat bering. Izohlarni (Notes) ham belgisi olib tashlangan bo‘lsa, ma’ruzachi izohlari o‘girilmaydi.
O‘girishni qanday qaytaraman?
Ctrl+Z ni bir marta bosing — butun o‘girish bitta qadamda qaytadi.
Izohlardagi xatolar ko‘rinmayapti
Izohlar panelida belgilar chizilmaydi, lekin xatolar sanaladi. Ularni Keyingi xato yoki Birma-bir tuzatish bilan toping.
Yangilanishlar
Yangi versiyani qanday o‘rnataman?
Yordam guruhidagi Yangilash … (yoki Yangilanishni tekshirish) tugmasini bosing. Yangi versiya bo‘lsa, quyidagi oyna ochiladi:
Batafsil: Plaginni yangilash.
Yangilanishni tekshirib boʻlmadi deb chiqyapti
Server bilan aloqa bo‘lmadi. Internetni tekshirib, oynadagi Qayta urinish tugmasini bosing. Korxona tarmog‘ida uzoffice.uz proksi yoki xavfsizlik devori tomonidan to‘silmaganini administratordan so‘rang. Eng so‘nggi versiyani har doim yuklab olish sahifasidan ham olishingiz mumkin.
Qaysi versiya o‘rnatilganini qanday bilaman?
Versiya lentadagi guruh nomida (Yordam · v2.1.0), Litsenziya oynasining pastida (Plagin versiyasi) va Qoʻllanma oynasining pastida ko‘rsatiladi.
Qo‘llab-quvvatlash xizmatiga murojaat
Yozing — ish kunlari javob beramiz:
- Telegram
- @uzoffice_supportbot
- E-pochta
- info@uzoffice.uz
- Telegram kanal
- @UzOfficeOfficial
- Boshqa usullar
- Aloqa sahifasi yoki Word, Excel, PowerPoint’dagi Fikr bildirish tugmasi
Xabarga nimalarni qo‘shish kerak
- Muammo tavsifi va xato xabarining skrinshoti (holat satridagi xabar ham).
- Muammo qaysi ilovada (Word, Excel yoki PowerPoint), Windows versiyasi va Office versiyasi (File → Account → About).
- Plagin versiyasi — Litsenziya oynasining pastida.
- Faollashtirish muammosida — O‘zOffice hisobingiz e-pochtasi (kalitning o‘zini yubormang).
- Xato jurnali:
%LOCALAPPDATA%\UzOfficeWordAddInpapkasida — Word uchunErrorLog.txt, Excel uchunErrorLog.Excel.txt, PowerPoint uchunErrorLog.PowerPoint.txt. Uni ochish uchun Win+R ni bosing,%LOCALAPPDATA%\UzOfficeWordAddInni kiriting va Enter ni bosing.
Diagnostika
Murakkab holatlarda qo‘llab-quvvatlash xizmati sizga maxsus diagnostika vositasini yuborishi mumkin. U kompyuterdagi plagin holatini tekshiradi va Ish stoliga UzOffice-Diagnostika.txt hisobotini saqlaydi — o‘sha faylni bizga qaytaring. Administrator huquqi kerak emas, hujjatlaringiz matni hisobotga kirmaydi.