Word plagini: muammolarni hal qilish

Quyidagi qadamlarni tartib bilan bajaring — har biridan keyin Word’ni qayta ochib tekshiring:

1. Word’ni to‘liq qayta ishga tushiring

   Barcha Word oynalarini yoping. Vazifalar dispetcherida (Ctrl+Shift+Esc) WINWORD.EXE qolmaganiga ishonch hosil qiling, so‘ng Word’ni qayta oching.

2. Plagin Word’da yoqilganini tekshiring

   Word’da File → Options → Add-ins (Файл → Параметры → Надстройки) ni oching. Pastdagi Manage ro‘yxatida COM Add-ins ni tanlab, Go ni bosing va UzOffice Word Add-In belgilanganini tekshiring. So‘ng Disabled Items ni tanlang: ro‘yxatda UzOffice bo‘lsa, uni belgilab Enable ni bosing.

3. UzOffice — plaginni tiklash yorlig‘ini ishga tushiring

   Word’ni yoping. Start menyusida UzOffice Word Add-In papkasidagi UzOffice — plaginni tiklash yorlig‘ini oching. U plaginni Word’da qayta ro‘yxatdan o‘tkazadi, Word uni qayta o‘chirib qo‘ymasligini ta’minlaydi va imzo sertifikatlarini qayta o‘rnatadi. Administrator huquqi kerak emas.

4. VSTO Runtime’ni tekshiring

   Tiklash oynasida DIQQAT: VSTO Runtime hali ham o'rnatilmagan yozuvi chiqsa, ko‘rsatilgan vstor_redist.exe faylini administrator nomidan ishga tushiring (sichqonchaning o‘ng tugmasi → «Administrator nomidan ishga tushirish»), so‘ng kompyuterni qayta ishga tushiring.

5. Qayta o‘rnating

   Yordam bermasa, eng so‘nggi o‘rnatuvchini yuklab olib, Word yopiq holda ishga tushiring. Eski versiyani o‘chirish shart emas.

Bu odatda korxona guruh siyosati (Group Policy) sertifikat o‘rnatishni taqiqlaganini bildiradi. Bunday holda Word plaginni yuklay olmaydi. Tizim administratoriga murojaat qiling yoki UzOffice — plaginni tiklash yorlig‘ini administrator nomidan ishga tushiring.

Bu — litsenziya faol emasligining belgisi. Litsenziya tugmasini bosib holatni ko‘ring:

• ● Faollashtirilmagan — kalit hali kiritilmagan. Faollashtiring.
• Tugash sanasi o‘tib ketgan — obunani uzaytiring va yangi kalit bilan faollashtiring.
• Faollashtirib, Word’ni qayta ochmagansiz — Word’ni to‘liq yopib, qayta oching. Guruhlar faqat Word ishga tushganda yuklanadi.

Plagin har safar Word ochilganda litsenziyani tekshiradi. Server kalitni rad etsa — kalit saytda o‘chirilgan, muddati tugagan, kompyuter kalitdan uzilgan yoki hisob bloklangan bo‘lsa — plagin funksiyalari o‘chadi va Word’ning holat satrida sababi yoziladi, masalan «❌ Litsenziya faol emas (Expired). Key is expired.». Xabardagi inglizcha matnning ma’nosini xatolar jadvalidan toping.

Internet yo‘qligi sababli plagin o‘chmaydi: bunda holat satrida faqat ogohlantirish chiqadi va plagin ishlashda davom etadi.

Har bir xabarning ma’nosi va yechimi Faollashtirish xatolari jadvalida. Eng ko‘p uchraydiganlari: kalit to‘liq nusxalanmagan (Invalid API key.), obuna tugagan (Key is expired.) va internet yoki proksi muammosi (Internet mavjud emas yoki serverga ulanib boʻlmadi.).

Kalitdagi barcha kompyuter joylari band. Qaysi kompyuterlar ulanganini API kalitlari sahifasida Qurilmalarni ko‘rsatish orqali ko‘ring. Keyin boshqa kalitdan foydalaning, eski kompyuterni uzishni qo‘llab-quvvatlash xizmatidan so‘rang yoki kalitni almashtiring — batafsil: Qurilmalar soni.

Kalitning muddati u yaratilgan paytda belgilanadi va obuna uzaytirilganda o‘zgarmaydi. API kalitlari sahifasida yangi kalit yarating va uni Word’dagi Litsenziya oynasida faollashtiring. Batafsil: Muddat tugashi va uzaytirish.

Word ishga tushishda xato bergan plaginlarni avtomatik o‘chiradi. Qayta yoqish uchun:

1. Disabled Items ro‘yxatidan chiqaring

   File → Options → Add-ins, Manage: Disabled Items → Go, UzOffice’ni belgilab Enable ni bosing.

2. Tiklash yorlig‘ini ishga tushiring

   Word’ni yopib, Start menyusidagi UzOffice — plaginni tiklash ni oching. U Word plaginni qayta o‘chirmasligi uchun himoya ham qo‘yadi.

3. Word’ni qayta oching

   Muammo takrorlansa, qo‘llab-quvvatlash xizmatiga xato jurnalini yuboring.

Ctrl+Z ni bir marta bosing — butun o‘girish bitta amal sifatida bekor qilinadi.

Lentadagi tugmalar butun hujjatni o‘giradi. Aralash hujjatda faqat kerakli qismlarni belgilab, o‘ng tugma menyusi orqali o‘giring.

Bandlar faqat matn belgilanganda chiqadi. Faqat kursor turgan bo‘lsa yoki belgilangan qismda harf bo‘lmasa (raqam, rasm), ular ko‘rsatilmaydi. Hujjat tahrirdan himoyalangan bo‘lsa (Review → Restrict Editing), bandlar ham chiqmaydi — himoyani olib tashlang.

O‘girish matnni harf-harf almashtiradi va formatlashga tegmaydi. Agar baribir biror joy o‘zgargan bo‘lsa, Ctrl+Z bilan qaytaring va hujjatni (yoki uning qismini) bizga yuboring — bu xato hisoblanadi va biz uni tuzatamiz.

Yozish paytida o‘chiq bo‘lsa, so‘zlar avtomatik tekshirilmaydi — uni yoqing yoki Xatolarni tekshirish tugmasini bosing. Lotin so‘zlari uchun imlo alifbosi hujjatga mosligini ham tekshiring.

Uch sababni tekshiring: (1) apostrof noto‘g‘ri — Apostroflarni toʻgʻrilash ni bosing; (2) alifbo mos emas — Imlo: lotin alifbosi menyusida hujjat alifbosini tanlang; (3) so‘z lug‘atda yo‘q — o‘ng tugma menyusidan lug‘atga qo‘shing.

Belgilarni tozalash tugmasini bosing. Keyin yozgan so‘zlaringiz Yozish paytida yoqilgan bo‘lsa yana tekshiriladi — chiziqlar umuman kerak bo‘lmasa, shu belgini olib tashlang. Chiziqlar faylga yozilmaydi, shuning uchun hujjatni boshqa kompyuterda ochganda ular ko‘rinmaydi.

Hujjat ochilganda belgisini olib tashlang — shunda ochilishda butun matn tekshirilmaydi. Kerak bo‘lganda Xatolarni tekshirish ni qo‘lda bosing.

Ikki xil qizil chiziq aralashmasligi uchun plagin Word’ning «yozish paytida imlo va grammatikani tekshirish» sozlamasini o‘chiradi. Plaginni o‘chirgandan keyin uni qayta yoqish uchun: File → Options → Proofing (Файл → Параметры → Правописание) bo‘limida Check spelling as you type va Mark grammar errors as you type belgilarini qo‘ying.

Yordam guruhidagi Yangilash … (yoki Yangilanishni tekshirish) tugmasini bosing. Yangi versiya bo‘lsa, quyidagi oyna ochiladi:

Batafsil: Plaginni yangilash.

Server bilan aloqa bo‘lmadi. Internetni tekshirib, oynadagi Qayta urinish tugmasini bosing. Korxona tarmog‘ida uzoffice.uz proksi yoki xavfsizlik devori tomonidan to‘silmaganini administratordan so‘rang. Eng so‘nggi versiyani har doim yuklab olish sahifasidan ham olishingiz mumkin.

Versiya lentadagi guruh nomida (Yordam · v2.1.0), Litsenziya oynasining pastida (Plagin versiyasi) va Qoʻllanma oynasining pastida ko‘rsatiladi.