Бошлашдан олдин
- Компьютер
- Windows 10 (1809 версиясидан бошлаб) ёки Windows 11
- Word
- Word 2016, 2019, 2021 ёки Microsoft 365, компьютерга ўрнатилган версия
- Администратор ҳуқуқи
- Одатда шарт эмас — плагин фақат сизнинг Windows фойдаланувчингиз учун ўрнатилади
- Файл
UzOfficeWordAddInSetup.exe. У керакли Microsoft компонентларини ҳам ўз ичига олгани учун ҳажми каттароқ (100 MB дан ортиқ)
Плагинни ўрнатиш бепул. Лекин ундаги тугмалар фаоллаштирилган лицензия билан ишлайди — бунинг учун O‘zOffice ҳисоби ва фаол обуна керак. Калитни олдиндан тайёрлаб қўйишингиз мумкин: API калити яратиш.
Юклаб олиш
-
Юклаб олиш саҳифасини очинг
uzoffice.uz/solutions/office-add-ins/download саҳифасига ўтинг. Плагин ҳақида умумий маълумот Word плагини саҳифасида.
-
Файлни юклаб олинг
Windows тугмасини босинг. Саҳифада жорий версия ва файл ҳажми ҳам кўрсатилади. Файл браузерингизнинг «Юкланмалар» папкасига тушади.
Саҳифани телефонда очган бўлсангиз, ҳаволани нусхалаб, компьютерга юборинг — плагин фақат Windows компьютерга ўрнатилади.
Ўрнатиш
-
Word’ни ёпинг
Барча Word ойналарини сақлаб, ёпинг. Word очиқ қолса, ўрнатувчи Microsoft Word ochiq деб огоҳлантиради ва учта тугма таклиф қилади: Yes (Да) — Word’ни ўзингиз ёпдингиз, давом этиш; No (Нет) — Word’ни мажбуран ёпиш (сақланмаган ҳужжатлар йўқолади!); Cancel (Отмена) — ўрнатишни тўхтатиш. Энг хавфсизи — Word’ни ўзингиз ёпиб, Yes ни босиш.
-
Ўрнатувчини ишга туширинг
Юклаб олинган
UzOfficeWordAddInSetup.exeфайлини икки марта босинг. Windows «Бу илова қурилмангизга ўзгартириш киритишига рухсат берасизми?» ёки SmartScreen ойнасини кўрсатса, файлни расмий сайтдан олганингизга ишонч ҳосил қилиб, давом этинг. -
Кўрсатмаларга амал қилинг
Ўрнатувчи ойнасида Next ва Install тугмаларини босинг. Ўрнатиш папкасини ўзгартирманг. Har kirishda plagin holatini avtomatik tiklash белгисини одатда қўйиш шарт эмас — у фақат қатъий корпоратив созламали компьютерлар учун.
-
Керак бўлса, компонентлар ўрнатилишини кутинг
Компьютерда .NET Framework 4.8 ёки VSTO Runtime бўлмаса, ўрнатувчи уларни ўзи ўрнатади — бу бир неча дақиқа олиши мумкин. VSTO Runtime бутун компьютер учун ўрнатилади, шунинг учун Windows администратор рухсатини сўраши мумкин: Yes (Да) ни босинг.
-
Ўрнатишни якунланг
Finish ни босинг. Энди Word’ни очишингиз мумкин.
O'rnatish tugadi, lekin plagin ISHLAMAYDI хабари чиқдими?
Демак, VSTO Runtime ўрнатилмади — одатда администратор ҳуқуқи бўлмагани ёки рухсат сўралганда рад жавоби берилгани учун. Хабардаги кўрсатмага амал қилинг: %LOCALAPPDATA%\Programs\UzOfficeWordAddIn\prereq\vstor_redist.exe файлини администратор номидан ишга туширинг (ёки тизим администраторига мурожаат қилинг), сўнг компьютерни қайта ишга туширинг.
Компьютерга нима ўрнатилади
| Нима | Қаерга |
|---|---|
| Плагин файллари (имло луғати ҳам шу ерда, шифрланган ҳолда) | %LOCALAPPDATA%\Programs\UzOfficeWordAddIn |
| Word’да рўйхатдан ўтиш — Word плагинни ҳар очилганда юклайди | Жорий Windows фойдаланувчиси созламалари |
| O‘zOffice рақамли имзо сертификатлари — Word плагинни ишончли деб билиши учун | Жорий фойдаланувчининг сертификатлар омбори |
| .NET Framework 4.8 ва VSTO Runtime — фақат етишмаса | Бутун компьютер учун |
| Старт менюсидаги ёрлиқлар: UzOffice — plaginni tiklash ва UzOffice Word Add-In — o'chirish | Старт менюси → UzOffice Word Add-In |
Плагин фақат уни ўрнатган Windows фойдаланувчиси учун ишлайди. Компьютердан бошқа фойдаланувчи ҳам фойдаланса, у ўз ҳисобида плагинни алоҳида ўрнатиши керак.
Биринчи ишга тушириш
-
Word’ни очинг
Лентада янги Matn tahriri ёрлиғи пайдо бўлади.
-
Лицензияни фаоллаштиринг
Фаоллаштиришдан олдин ёрлиқда фақат Yordam ва Litsenziya гуруҳлари кўринади — бу нормал ҳолат.
Litsenziya тугмасини босинг ва калитни киритинг. Батафсил: Лицензияни фаоллаштириш. -
Word’ни қайта очинг
Фаоллаштирилгач, Word’ни ёпиб, қайта очинг — барча гуруҳлар пайдо бўлади.
Фаоллаштирилгандан кейин Matn tahriri ёрлиғи тўлиқ кўринади.
Matn tahriri ёрлиғи умуман чиқмадими? Муаммоларни ҳал қилиш бўлимига қаранг.
Плагинни янгилаш
Плагин янги версия чиққанини ўзи текширади: Word очилгандан тахминан 2,5 дақиқа ўтиб, кунига кўпи билан бир марта. Янги версия топилса, Word’нинг пастки ҳолат сатрида хабар чиқади ва Yordam гуруҳидаги тугма Yangilash 2.2.0 каби кўринишга ўтади. Исталган вақтда 
Yangilanishni tekshirish тугмаси билан қўлда ҳам текширишингиз мумкин.
-
Тугмани босинг
Yangilash … тугмасини босинг. UzOffice — versiya va yangilanish ойнасида янги версиядаги ўзгаришлар рўйхати кўрсатилади.
Янгиланиш ойнаси: ① Yuklab olish тугмаси ўрнатувчи файлни браузерда очади. -
Янги ўрнатувчини юклаб олинг
Yuklab olish ни босинг — ҳавола браузерда очилади. Плагин файлни ўзи юкламайди ва ўзи ишга туширмайди. Keyinroq тугмаси ойнани ёпади.
-
Эски версия устидан ўрнатинг
Word’ни ёпинг ва янги файлни ишга туширинг. Эски версияни олдин ўчириш шарт эмас. Лицензия, созламалар ва шахсий луғатингиз сақланиб қолади.
Имло луғати алоҳида янгиланади: лицензия фаол бўлса, плагин янги луғатни фонда ўзи юклаб олади. Бунинг учун ҳеч нарса қилиш шарт эмас.
Плагинни ўчириш
Аввал Word’ни ёпинг. Кейин қуйидаги усуллардан бирини танланг:
- Старт менюси орқали: UzOffice Word Add-In папкасидаги UzOffice Word Add-In — o'chirish ёрлиғини босинг.
- Windows созламалари орқали: Settings → Apps → Installed apps (рус тилидаги Windows’да Параметры → Приложения → Установленные приложения), рўйхатдан UzOffice Word Add-In ни топинг ва Uninstall (Удалить) ни босинг.
Ўчирилганда плагин файллари ва юклаб олинган луғат олиб ташланади. Шахсий луғатингизга қўшган сўзларингиз (%APPDATA%\UzOfficeAddIn\dictionaries) ҳамда лицензия маълумотлари ўчирилмайди — плагинни қайта ўрнатсангиз, улар яна ишлайди.
Қурилма калитда банд бўлиб қолади
Плагинни ўчириш компьютерни API калитидан узмайди: у калитдаги қурилмалар рўйхатида қолаверади. Шу компьютерга қайта ўрнатсангиз, янги жой талаб қилинмайди. Калитни бошқа компьютерга ўтказмоқчи бўлсангиз, қурилмалар бўлимини ўқинг.