Ўзбекча матнни тўғридан-тўғри Office’да текширинг ва таҳрир қилинг: имло ва контекст хатолари белгиланади, тўғри вариант таклиф қилинади, апострофлар тартибга келади, керак бўлса матн лотин↔кирилл ёки янги 2026 алифбосига ўгирилади. Битта ўрнатувчи учала дастурга “Matn tahriri” ёрлиғини қўшади, битта лицензия эса ҳаммасида ишлайди.
Рақамли имзоланган ўрнатувчи
Плагинлар Windows компьютери учун. Ҳаволани ўзингизга юборинг — компьютерда икки дақиқада ўрнатасиз.
Ҳар бир дастурнинг ўз хусусиятлари ҳисобга олинган — лекин ўрнатувчи, лицензия ва луғат ҳаммаси учун битта.
Ўзбекча имло ва контекст хатоларини Word’нинг ўзида топади ва тузатади, ҳужжатни эса форматлаши билан ўгиради.
Катаклардаги ўзбекча имло хатоларини топади ва бирма-бир тузатади; матнни ўгиради — формула, сон ва саналарга тегмайди.
Слайдлар ва маърузачи изоҳларидаги ўзбекча имло хатоларини топади ва тузатади; матнни дизайн ва ҳаволаларни сақлаган ҳолда ўгиради.
Word, Excel ва PowerPoint учун алоҳида нарса юклаб олиш, алоҳида калит сотиб олиш ёки ҳар бирини алоҳида фаоллаштириш шарт эмас.
UzOfficeWordAddInSetup.exe учала плагинни бирга ўрнатади. Янгиланиш ҳам битта.
Калитни Word, Excel ёки PowerPoint’дан бирида киритинг — қолган иккитасида ҳам фаол бўлади. Битта компьютер битта қурилма ҳисобланади.
Шахсий луғатга қўшилган сўз ва имло алифбоси танлови (жорий, янги ёки иккаласи) учала дастурда бир хил.
Асосий тугмалар ва қоидалар Word, Excel ва PowerPoint’да бир хил — бир дастурда ўргансангиз, қолганларида ҳам биласиз. Excel ва PowerPoint’да хатоларни кетма-кет кўриб чиқиш учун қўшимча тугмалар ҳам бор.
Луғатда йўқ сўзлар ва гапда нотўғри ишлатилган сўзлар экранда рангли тўлқин чизиқ билан белгиланади, нечта хато топилгани ҳолат сатрида кўринади. Файлга ҳеч нарса ёзилмайди: сақлаш, чоп этиш ва PDF ўзгармайди.
Хато сўз устида ўнг тугмани босинг — тўғри вариантлар, луғатга қўшиш ёки эътиборсиз қолдириш. Excel ва PowerPoint’да “Keyingi xato” ва “Birma-bir tuzatish” билан ҳаммасини кетма-кет кўриб чиқасиз.
Имло ёзиш пайтида ёки файл очилиши билан автоматик текширилиши мумкин. Excel ва PowerPoint’да белги рангини — қизил ёки сариқ — ўзингиз танлайсиз.
Ў ва ғ даги белги ҳамда тутуқ белгиси аралашиб кетган бўлса (' ‘ ’ `), битта тугма билан тўғри белгига келтиради: Word’да бутун ҳужжатда, Excel ва PowerPoint’да танланган қамровда.
Лотин→кирилл, кирилл→лотин: белгиланган қисм ёки бутун ҳужжат, китоб, тақдимот. Шрифт, ранг ва форматлаш жойида қолади.
Матнни 2026-йилги янги лотин ёзувига ўтказади — манба кирилл ёки жорий лотин бўлиши мумкин. Имло текшируви ҳам янги алифбога ўзи ўтади.
Битта ўрнатувчи Word, Excel ва PowerPoint’га бирданига ўрнатади.
Word, Excel ва PowerPoint ёпиқ ҳолда ўрнатувчини ишга туширинг — учала плагин бирга ўрнатилади.
Ўрнатиш бўйича қўлланмаWord, Excel ёки PowerPoint лентасида “Matn tahriri” ёрлиғи пайдо бўлади.
“Litsenziya” тугмасини босинг ва ҳисобингиздаги API калитини қўйинг — битта дастурда фаоллаштириш кифоя.
Калитни қаердан оламан?Mac, телефон, планшет ва браузердаги Office Online’да ишламайди.
Юклаб олиш ва ўрнатиш бепул. Office’да ишлатиш учун фаол обуна керак — API калити шу обунадан олинади ва учала плагинга етади.
Windows 10 ва 11 даги Microsoft Office 2016, 2019, 2021 ҳамда Microsoft 365 — компьютерга ўрнатиладиган Word, Excel ва PowerPoint. 32 ва 64 битли Office ҳам қўллаб-қувватланади.
Йўқ. Битта калит учала плагинга етади: лицензияни Word, Excel ёки PowerPoint’дан бирида фаоллаштирсангиз, қолган иккитасида ҳам фаол бўлади. Битта компьютердаги учала дастур битта қурилма ҳисобланади.
Йўқ, плагинлар фақат Windows’даги Office учун: Mac, телефон, планшет ва браузердаги Office Online’да ишламайди. У ерда O‘zOffice’нинг веб-версиясидан фойдаланинг — у браузерда очилади ва ўша ўгириш ҳамда имло имкониятларини беради.
Юклаб олиш ва ўрнатиш бепул. Office ичида ишлатиш учун O‘zOffice ҳисоби ва фаол обуна керак — API калити шу обуна доирасида берилади. Рўйхатдан ўтганда 7 кунлик синов муддати берилади.
Йўқ. Матн ҳарф-ҳарф, ўз жойида алмаштирилади: шрифт, ранг, жадвал, рўйхат ва ҳаволалар сақланади. Excel’да формула, сон ва саналарга умуман тегилмайди.
Тарифга боғлиқ: ҳар бир калит учун рухсат этилган компьютерлар сони белгиланган (7 кунлик синовда — 1 калит, 1 компьютер). Битта компьютердаги Word, Excel ва PowerPoint битта қурилма ҳисобланади. Плагинларни янги компьютерга кўчириш учун ёрдам хизматига ёзинг — эски қурилмани бўшатиб берамиз — ёки “API калитлари” саҳифасида калитни ўчириб, янгисини яратинг.
Йўқ. Калит фаоллаштирилгач, ўгириш ва имло текшируви компьютернинг ўзида бажарилади. Плагинлар фақат вақти-вақти билан лицензияни текширади ва янгиланишни сўрайди.
